Enfoca a crise do mundo actual achegando datos e argumentos que levan á reflexión crítica e á dúbida intelixente sobre o que nos rodea. Nestes tempos estraños, de cambio e turbulencias, onde os vellos (e novos) paradigmas do librecambismo xa non resultan válidos para resolver os problemas e retos do mundo actual, a reflexión amósase como virtude indispensábel, que nos permite facermonos preguntas e intentar comprender a clave do arcano sen deixarnos confundir polos ouropeis da modernidade e as luces de cores do politicamente correcto. «Xeopolítica, pandemia e poscapitalismo» e unha invitación a fuxir da trivialidade para centrármonos no esencial: investigar e analizar o alcance do Poder, a súa dimensión real dentro da complexidade do mundo actual, profundando na xenese do sistema capitalista neoliberal e no papel das forzas alternativas nesta encrucillada histórica.